Pse nuk mund të konsumoj patate dhe patëllxhan nëse jam intolerante ndaj domates

Nëse paraqiteni në klinikën Fithealth për të marrë përgjigjen e testit të intolerancës dhe mësoni se jeni intolerant ndaj domates, habiteni kur mjekja ju thotë se nga regjimi ushqimor së bashku me domaten, duhet të eliminoni pataten, patëllxhanin, specat, piperin dhe duhanin.

Dhe me të drejtë pyesni: “Po çlidhje ka domatja me pataten dhe patëllxhanin?”.

Solanaceae-t janë një familje ushqimore që përfshijnë shumë specie të ngrënshme dhe të tjera helmuese. Karakterizohen nga prania e një substance alkaloide, solaninës, e cila, në disa specie, është e pranishme tek bima dhe në frutat e papjekur. Solanaceae-t përfshijnë mijëra specie, shumë prej të cilave janë të pangrënshme dhe madje edhe helmuese.

Në dietën tonë solanaceae-t më të njohura janë: domatet, specat, patëllxhanët, patatet, manaferrat Goji. Bima e Belladonës dhe duhani janë gjithashtu pjesë e kësaj familje.

Megjithëse disa nga këto solanaceae janë të ngrënshme, ato mund të shkaktojnë çrregullime të ndryshme.

Intoleranca ndaj Solanaceae-ve:

Ndjeshmëria ndaj solanaceae-ve mund të jetë e vështirë të identifikohet, pasi shumë nga këto ushqime janë të pranishme në dietën tonë dhe mund të duhen deri në 72 orë për t’u shfaqur simptomat e një intolerance. Shenjat e intolerancës mund të jenë:

• Fryrje barku

• Gazra

• Nauze

• Diarre ose konstipacion

• Dhimbje barku ose diskomfort

Nga ana tjetër, simptoma të tilla si: vështirësi në frymëmarrje, trashje të gjuhës ose ndjesia e ngushtimit të fytit, marramendje, të vjella ose humbje të vetëdijes janë treguese për një reaksion alergjik kërcënues për jetën nëse nuk trajtohet menjëherë.

Solanaceae-t, antinutrientët dhe sëmundjet e zorrëve

Njerëzit më të rrezikuar për ndjeshmërinë ndaj solanaceae-ve janë shpesh ata që vuajnë nga sindromi I zorrës së irrituar, sëmundje autoimune, ose kanë sëmundje të tjera të lidhura me zorrët.

Prandaj, nëse vuani nga çrregullime të zorrëve ose keni një sëmundje autoimune, kushtojini vëmendje çdo simptome që mund të ndodhë pas ngrënies së solanaceae-ve, të tilla si, probleme me tretjen, skuqje të lëkurës, fryrje barku apo çrregullime të jashtëqitjes.

Solanaceae-t përmbajnë glikoalkaloide (chaconin dhe solanine), të cilat kontribuojnë në sindromin e zorrës së irrituar dhe sëmundjen inflamatore të zorrëve. Këto substanca, të quajtura antinutriente, gjenden te solanaceae-t dhe janë të dobishme për bimët, të cilat i përdorin ato për të larguar patogjenët që mund t’I dëmtojnë.

Antinutrientët ndikojnë negativisht në përshkueshmërinë e zorrëve dhe përkeqësojnë kushtet inflamatore siç janë ato tipike të kolitit ulçeroz, sëmundjes së Crohn dhe sindromit të zorrës së irrituar.

Në fakt, antinutrientët shfaqen shpejt në gjak dhe toksiciteti i tyre rritet ndërsa përqëndrimi i tyre në qarkullimin e gjakut rritet.

Antinutrientë të tjerë që gjenden te solanaceae-t janë saponina dhe lektina. Pra, nëse pas eleminimit të glutenit dhe produkteve të qumështit nga dieta juaj, përsëri keni probleme me traktin tretës, shkaku mund të jenë lektinat apo saponinat që gjenden te solanaceae-t.

Aksesoni Shërbimet

Në FitHealth Clinic do të gjeni shërbimet më të mira për të përmirësuar jetën tuaj.