Pas moshës 50 vjeç, më mirë disa kilogramë më shumë apo më pak?

Me rritjen e moshës, problemet shëndetësore, aktiviteti i pakët fizik, marrja e barnave të caktuara dhe ndryshimet metabolike mund ta bëjnë më të vështirë ruajtjen e një indeksi të masës trupore (BMI) ideale. Në veçanti, femrat që hyjnë në menopauzë do ta vërejnë më shumë ndryshimin e peshës, pasi ulja e estrogjenit (hormonit seksual femëror) ul aktivitetin e metabolizmit dhe tenton të grumbullojë ind dhjamor veçanërisht në zonën e barkut.

Shumë persona mbi 65 vjeç përjetojnë ulje të oreksit për shkak të faktorëve të ndryshëm që lidhen me plakjen fiziologjike, gjë që shpesh i bën ata të humbin disa kilogramë, madje shumë shpejt. Mos harroni se është shumë e rëndësishme të kontrolloni herë pas here BMI-në tuaj. Kur kemi humbje në peshë, veçanërisht të pavullnetshme, duhet të merren masa menjëherë për të siguruar që kjo humbje në peshë të mos jetë drastike, përndryshe mund të shkaktojë brishtësi të kockave dhe muskujve tek të moshuarit.

Humbja në peshë në më të shumtën e rasteve mund të jetë patologjike, prandaj nuk duhet neglizhuar. Megjithatë, nga mosha 65-vjeçare e tutje, me kënaqësi mund të pranoni disa kilogramë më tepër.

Më poshtë do të gjeni disa rekomandime për një ushqyerje të shëndetshme të të moshuarve:

1. Përfshini në dietën tuaj ditore: arra, bajame, fruta të thata (pa yndyrë dhe sheqer të shtuar),  gjalpë arrash, gjalpë kikiriku etj., fara ushqyese si farat e kungullit, lirit dhe fara luledielli, fruta yndyrore si avokado ose ullinj, vaj ulliri, fruta, por edhe karbohidratet integrale si buka e zezë dhe makaronat integrale, peshk si salmoni, toni, ngjala, çokollatë të zezë dhe djathëra kaçkavallë të fortë. Këto djathëra, përveç se janw natyrshëm pa laktozë, sigurojnw sasinë më të madhe të kalciumit, një mineral thelbësor për luftimin e osteoporozës në pleqëri, si dhe sigurojnw sasi të shkëlqyera të proteinave me vlerë të lartë biologjike (përfshirë 9 aminoacidet thelbësore), vitaminë B2 dhe B12, antioksidantë si vitamina A, zink dhe selen.
2. Duhet t'i garantoni vetes një konsum ideal të proteinave çdo ditë (rreth 1 gram proteinë për kilogram të peshës trupore). Ndryshoni shpesh burimet e proteinave (mish, peshk, vezë, qumësht dhe derivatet e tij apo legume)
3. Zëvendësoni gjalpin me vaj ulliri. Vaji i ullirit ka më tepër vlera ushqyese krahasuar me gjalpin, për këtë arsye ai rekomandohet të përdoret më tepër sesa gjalpi në gatimet tuaja.
4. Hani 5 ose 6 vakte në ditë, duke përfshirë mesvakte, përveç vakteve kryesore si: mëngjesi, dreka dhe darka.