Nëse dëshironi thjesht të ushqeheni shëndetshëm çdo ditë, dhe nuk keni nevojë për një regjim të personalizuar sipas specifikave tuaja shëndetësore: ky është regjimi që bën për ju!

Realizim i përkryer i regjimit ketogjenik i cili ju ndihmon të arrini shpejt stadin e ketozës dhe të humbisni peshë, të menaxhoni më mirë sindromin e ovarit policistik, rezistencën insulinike dhe disa sëmundje të zemrës.

Një dietë vegjetariane mund të përzgjidhet për disa arsye si ato shëndetësore, ekologjike, etike apo fetare. Studimet tregojnë se një dietë vegjetariane mund të zvogelojë rrezikun e sëmundjeve të zemrës dhe llojeve të ndryshme të kancerit.* Një dietë pa mish zvogëlon gjithashtu riskun e sindromës metabolike, e cila përfshin mbipeshën dhe diabetin e tipit 2 .

Një nga këshillat kryesore që na jepet kur duam të humbasim peshë është: harxho më shumë kalori se sa merr! Por jo doemos të kequshqehemi. * Nëpërmjet zvogelimit të kalorive që marrim arrijmë të humbasim në peshë, pa hequr dorë nga ushqimet për të cilat “lëmë kokën”.  Ndërkohë në vend të konsumit të lartë të karbohidrateve, rrisim konsumin e proteinave, yndyrnave të pasaturuara dhe perimeve.

Regjim i sugjeruar për individet që duan të shtojnë në peshë. * Ky regjim konsiston jo vetëm në shtimin e sasisë së ushqimit që konsumojmë, por në kthimin e fokusit në vakte me sasi më të lartë të proteinave me qëllim shtimin e masës muskulore dhe jo të asaj dhjamore.

Ristarto trupin tënd dhe largo nga organizmi gjithçka atij nuk i duhet me regjimin tonë Detox. Tretja dhe përthithja e nutrienteve së bashku me metabolizmin efikas të toksinave janë kritike për një shëndet optimal.* Për këtë arsye regjimi Detox është mënyra më e mirë për ripërteritjen e trupit dhe lekurës nga brenda-jashtë.

Një nga mënyrat më të mira për rënie në peshë, ngadalë, po me hapa të sigurt është regjimi i rotacionit. * Ky i fundit është i përshtatshëm për cilindo që dëshiron të arrijë peshën ideale, por mbi të gjitha kërkon ta kthejë regjimin ushqimor në një stil jete.

Regjimet rekomandohen nga mjekja nutricioniste pas kryerjes së testit të intolerancës ushqimore. Këto të fundit fshihen shpesh pas simptomave si dhimbje koke përsëritëse, vështirësi për të marrë apo për të rënë në peshë. * Ushqimet e eleminuara nga regjimi ushqimor sipas intolerancave, zëvendësohen me produktet më të mira për të siguruar që organizmit nuk do t’i mungojnë elementet ushqyes të domosdoshëm.

Kur jeni shtatzënë, ngrënia e një diete të shëndetshme dhe të balancuar është ndër gjërat më të rëndesishme që mund të bëni për veten dhe bebin tuaj. * Ushqimet që ju hani janë burimi kryesor i ushqyerjes së bebit, prandaj është e rëndësishme të konsumoni ushqime për të cilat jo vetëm keni nevojë, por janë të rekomandueshme për parandalimin e shumë problematikave te shtatzanisë.

Ushqimi që hamë ndikon në shtimin e energjisë, rritjen e performancës, efikasitetin e stërvitjes, dhe reduktimin e lodhjes pas stërvitjes.* Jo vetëm lloji i ushqimit që konsumojmë, por edhe koha kur hamë gjatë ditës kanë një ndikim në nivelet e performancës dhe në aftesinë e trupit të një sportisti për t’u rikuperuar pas stërvitjes. Një regjim ushqimor i shëndetshëm tejkalon aftesitë e suplementeve përsa i përket marrjes maksimale të elementëve ushqyes të nevojshëm për një atlet.

Ngrënia e ushqimit të shëndetshëm është e rëndësishme në çdo moshë, por është veçanerisht e rëndesishme për adoleshentët. * Ndërsa trupi juaj është ende në rritje, është jetësore që të hani mjaftueshëm ushqim me cilesi të mirë dhe të merrni elementet ushqyes të duhur për të përmbushur nevojat tuaja energjitike dhe jetësore.

Mundësimi i vakteve të shëndetshme dhe ushqyese për këdo që vuan nga sëmundja e diabetit mund të ndihmojë mjaft në përmirësimin e shpejtë të gjendjes shëndetësore dhe ecurisë së sëmundjes.

Në menaxhimin e sëmundjeve të traktit tretës hapi i parë është gjithmonë terapia nutricionale. Modifikimi i regjimit ushqimor është thelbësor sidomos në sëmundje si Morbus Crohn, koliti ulçeroz, fisurat anale apo sindromi i zorrës së irrituar. * Ju mund të merrni medikamentet e rekomanduara, por gjendja juaj shëndetesore nuk do të përmiresohet nëse nuk bëni fillimisht ndryshime në dietën tuaj.

Jemi mësuar që për çdo çrregullim shëndetësor të marrim medikamente dhe jo të kthejmë sytë nga ajo çka hamë. * Yndyrnat e larta mund të menaxhohen me ushqim të zgjedhur me kujdes, të cilit shija nuk ka pse t’i mungojë, duke evituar kështu marrjen e panevojshme të medikamenteve të cilat kanë dhe efekte anësore të padëshiruara.

Të ndjekësh një regjim ushqimor të përshtatshëm për crregullimet e funksionit të tiroides ju ndihmon jo vetëm në mbajtjen e peshës së dëshiruar, por dhe në një menaxhim më të mirë të simptomave.